ከሳሽ ያጡት እነኤልያስ ለጠ/ሚኒሥትሩ አቤቱታ አቀረቡ

0

ከአምስት ወራት በላይ በእስር ላይ የቆዩት ጋዜጠኛ ኤልያስ ገብሩ እና ፖለቲከኛው አቶ ዳንኤል ሺበሺ ለኢትዮጵያው ጠቅላይ ሚኒሥትር አቶ ኃይለማርያም ደሳለኝ የአቤቱታ ደብዳቤ ፃፉ።

የኢትዮጵያ መንግሥት ከደነገገው አስቸኳይ ጊዜ አዋጅ በኋላ የታሰሩት ኤልያስ እና ዳንኤል እስካሁን በይፋ ክስ አልተመሰረተባቸውም።

በእስር ላይ «ተጉላልተናል» ያሉት ጋዜጠኛ ኤልያስ እና አቶ ዳንኤል ዛሬ ለጠቅላይ ሚኒሥትሩ ለፃፉት የአቤቱታ ደብዳቤ የሚሰጣቸው ምላሽ የታወቀ ነገር የለም። አዲስ አበባ የሚገኘው የዶይቼ ቬለ ወኪል ያነጋገራቸው የተጠርጣሪዎቹ ባልደረባ አቶ ኤልያስ እና አቶ ዳንኤል የጤና እክል እንደገጠማቸው ተገቢውን የሕክምና ክትትልም አለማግኘታቸውን ተናግረዋል።