ኢትዩጵያዊያን ስፖርትና ባህል ፌስቲቫል በአውሮፖ በፌዴሬሽኑ  ፣ በቦርድ አባላትና ስራአስፈፃሚው ጀርባ ማን ነው የመሸገው ? ለምን ? የንፁሃን ዜጎችስ ሚና ምን መሆን አለበት ? አጥናፉ ታዬ ከሮማ

0

የኢትዩጵያዊን ስፖርትና ባህል ፌዴሬሽን በአውሮፖ ስረ-መነሻውና የመመስረቱ አብይ ዓላማ አንድአንዶች እንደሚገምቱት ለመዝናኛነት ብቻ ሳይሆን ከዚይ ልቆና ዘልቆ ህዝብን በማሰባሰብ ለብዙ ሺ ዓመታት ሲዘከር የኖረውን ነገር ግን ከጊዜ በኃላ በሃገር ውስጥ እንዲሁም በስደቱ ዓለም በከፍተኛ ሁኔታ እየደበዘዘ የመጣውንና የታሪካዊ ጠላቶች ትንኮሳ ያልተለየው ውብና ድንቅ ሃገራዊ ታሪካችን ፣ ባህልና የአብሮነት መስተጋብራችን ጠላቶቻችንን አንገት አስደፍቶ ዳግም እንዲያንሰራራ የሚያስችል ጠንካራ ትስስር በህዝብ ውስጥ ለማስረፅ ይህንኑ ተከትሎም ኢትዩጵያዊ ፅኑ ኃይልና በሃገሩ ክብርና ዝና የማይደራደር ብርቱ ዜጋ  ተፈጥሮ ለማየት በየአቅጣጫው የሚደረገውን ህዝባዊ እልህና ቁጭት የወለደውን እልህ አስጨራሽ ትግል  ለማገዝና አቅም የፈቀደውን ሃገራዊ አስተዋፅኦ ለማድረግ ጭምር ነበር ።

ኢስባፌ በአውሮፖ ከአፈጣጠሩ በመነሳት በቀላሉ መረዳት የሚቻለው በስብስቦቹም ሆነ በእንቅስቃሴው በምንም ዓይነት መንገድና በየትኛውም ዓይነት ሁኔታ ፖለቲካዊ አጀንዳ ሊኖረው የማይችል ፣ ከፖለቲካኞችና ከፖለቲካ ድርጅት ሎሌነት የፀዳ የህዝብና የህዝብ ብቻ ሃብት ሆኖ ፣ በግለሰቦች ልዩ ፍላጎት የሚሽከረከር ሳይሆን ተቋማዊ ቅርፅና ይዘት ያለው በህግና በስርዓት የሚመራ አስተማማኝ አካል ሆኖ መቆም እንደሚኖርበት ነው ።

ይሁን እንጂ በጁላይ 2017 ሮም ላይ የሚደረገው 15ኛው ስፖርትና ባህል ፌስቲቫል ከወትሮው በፍፁም በተለየ መንገድ ከፌዴሬሽን ፣ ከቦርድ አባላትና ከስራ አስፈፃሚው ሙሉ እውቅናና ይሁንታ ባፈነገጠ ሂደቱ በኢጣሊያ የወያኔ ኤምባሲ አቀነባባሪነት በትግራይ ልማት ማህበር የበላይ ጠባቂነትና በወያኔ ደጋፊዎችና ቀንደኛ ተባባሪ ግለሰቦች እየተመራ መሆኑ በተጨባጭ ሲረጋገጥ በምን መሰረት አጠቃላይ ሁኔታው በወያኔ ሊማረክ እንደቻለ ብዙዎች በቂ መረጃ ማግኘት አለመቻላቸው ወያኔ የሮም ዝግጅትን የጠለፈበትን መረብ ከቅርብ ርቀት የተረዳን በህዝብ ላይ የተሰነዘረው ጥቃት ውስጣችንን ሲጠዘጥዝን ከርሟል ፣ ጊዜው አልመሸምና የድራማውን ገፀባህሪያት ከነትውናቸው ለዝግጅቱ ዋና ባለቤት ለኢትዩጵያ ህዝብ ለማድረስ መጣር የዚህ መጣጥፍ መነሻም መድረሻም ዓላማ ነው ።

የሮም ዝግጅት እንዴት በወያኔ ሙሉ ቁጥጥር ስር ዋለ ?

ቀደም ሲል የአውሮፖ ስፖርትና ባህል ፌስቲቫል ዝግጅት በአዘጋጅ ሃገሮች / በከተሞች የሚከናወን የነበረ መሆኑ ይታወቃል ።
ዴንሃግ ሆላንድ / Den Haag Holand / 14ኛው ፌስቲቫል ጀምሮ በፌዴሬሽን አዘጋጅነት ከአዘጋጅ ከተማ ጋር በመቀናጀት እንዲከናውን በመደረጉ የሆላንዱን ዝግጅት ፌዴሬሽኑ ከኢትዩ ሆላንድ ጋር በመሆን እስከ ዝግጅቱ ፍፃሜ ድረስ ሂደቱን መርቶ አጠናቋል ።

ምንም እንኳን የዴንሃግ ዝግጅት በአፈፃፀሙ በርካታ ጉድለቶች የነበሩበት ከኦዲተር ምርመራ ውጭ ከ 60,000 እስከ 70,000 ዩሮ በተገመተ ኪሳራ ቢጠናቀቅም አብዛኛው ሂደት ከፌዴሬሽኑና ከቦርዱ አባላት ቅድመ ውሳኔ አንፃርና በደረሱበት የጋራ ስምምነት መሰረት አድርጎ የተከናወነ ነበር ማለት ይቻላል / በዴንሃግም  የወያኔ እጅ አዙር ቁጥጥር ሙከራ ፣ የህዝብ ወገኖችን የማግለል ሴራ የነበረ መሆኑም ያስተውሏል /

የሮም 15ኛው የስፖርትና ባህል ፌስቲቫል ቅድመ ዝግጅትና ክንውኑን በተመለከት ፌዴሬሽኑ በዴንሃግ የጀመረውን አሰራር እንዲለውጥ በምን ምክንያት እንደተገደደ በይፋ በማይታወቅ ዱብዕዳ ፣ ከተወሰኑ ሰዎች በቀር ለአብላጫው አመራርና ለሁሉም የቦርድ አባላት እስካሁንም ያልተፈታ እንቆቅልሽ በሆነ መልኩ የዝግጅቱ ዋንኛ ተጠቃሽና ተዋናይ የወያኔ ኤምባሲ መሆኑን የሚገልፅ ደብዳቤ ፣ በራሪ ፅሁፍና የአባላት ቅፅ ተዘጋጅቶ በአደባባይ ሲበተን የፌዴሬሽን አመራሩ ዝምታን የመረጠ ሲሆን በሁኔታው ግራ የተጋቡ ክለቦች በተወካዬቻቸው አማካኝነት ያነሱት ጥያቄ እንዲድበሰበስ በመደረጉ በሃገር ውስጥ ነፃ ተቋማትን ደቁሶ የሚውጠው የወያኔ ረጅም እጅ በባህር ማዶም ኢትዬጵያዊ ተቋማትን ለመቆጣጠር በየኤምባሲዎቹ ሲያደርግ የቆየው ሙከራ የአውሮፖ ስፖርትና ባህል ፌስቲቫል ዝግጅትን መቆጣጠሩን ፣ ያለተቀናቃኝም ለድል መድረሱን በሮምም በአዲስ አበባም በፌሽታ ዘክሮ መዋሉን በተባባሪዎች አማካኝነት በይፋ መግለፁ የብዙዎች ቁጭት ሆኖ አልፏል ።

የኢትዬጵያዊያን ባህልና ስፖርት ፌዴሬሽን የሮማውን ዝግጅት በተገቢው መንገድ ለማቀናጀት አማካሪ ያስፈልገዋል ተብሎ በታቀደ ቅድመ ስሌት  ይህንን መልካም አጋጣሚ የአሁኑ የወያኔ ኤምባሲ ተወካይነቱ የተረጋገጠው ቀድሞም በወያኔ ልዩ ፍቅርና ደጋፊነት የሚታወቀው ግለሰብ  / አንድነት በቀለ  ወይም ቀዬ/ ከተወሰኑ የፌዴሬሽኑ አመራሮች  ዝምድና በመፍጠር በቆረጣ የዝግጅቱ አማካሪነት መሰየሙን ሂደቱ በስርዓትና በተገቢው መንገድ ተከናውኖ ቢሆን የሂደቱ አካል መሆን ለሚገባቸው  ለስራአስፈፃሚ አባላቱ ጭምር ሹመቱን በራሱ አንደበት ነበር ያበሰረው ፣ ይህ ሁኔታ ሳይውል ሳያድር ሌሎች ግብር አበሮቹ ( የኤምባሲው ነባርና ታማኝ ሰራተኛ ልጅና የወያኔ አባልነቱን በይፋ የሚያረጋግጠው ሃብታሙ ሞቱማ  እንዲሁም ዬናስ ሃጎስና …ወዘተ ) የዝግጅቱ ክንውን ውይይቶች እንዲሁም  ከድንኳን ኪራይ አንስቶ ኢሳትና መሰል ወያኔ ያልሆኑ ድርጅቶችና ማህበራት ላይ መደረግ ስለሚገባው ማግለልና ተዛማጅ ሴራዎች ኤምባሲውን መገናኛ ቢሮአቸው በማድረግ የሚፈለገውን ሲያስወስኑና ከኤምባሲው ፍላጎት አንፃር የተወጠነ መመሪያ ሲቀበሉና ሲያወራርዱ ቆይተዋል ይህ ተግባር ለእነርሱ የተመቻቸው የዕለት ተዕለት  ተግባራቸው ሲሆን በአንፃሩም በአደባባይ በግፍ ህዝብን የሚጨፈጨፍ ሽፍታ ቡድን ጉያ ማደራቸው የሚኮሩበት ተግባር አድርገው ከወያኔ ጋር ያላቸውን ህብረት በይፋ እያወጁ በዛው ጡንቻ የፌዴሬሽኑ አለቃ በመሆን እዚህ ደርሰዋል ።

ከዚህ ነጥብ የምንረዳው ፌዴሬሽኑ ለይስሙላ የተገተረ አካል ሲሆን ፌዴሬሽኑንም ሆነ ስራ አስኪያጁን ተክቶ የሮሙን ዝግጅት እየመራ ያለው በኢጣሊያ የወያኔ ኤምባሲና ለንዋይ የተገዙ የውያኔ ቅጥረኞች መሆናቸውን ነው / ከላይ ለተጠቀሱት ሁሉ ተጨባጭ ማስረጃዎች ያሉ መሆኑ ልብ ይሏል /

የኢትዬጵያዊያን ስፖርትና ባህል ፌስቲቫል በአውሮፖ ከፌዴሬሽኑ ፣ ከቦርድ አባላትና ከሥራአስኪያጁ እምነትና ቁጥጥር ውጭ እየተካሄደ መሆኑና ሂደቱ ሙሉ ለሙሉ በወያኔ እጅ መግባቱን  በማስረጃ በማስረዳት የማስተካከያ እርምጃ እንዲወሰድ ጥረት ለማድረግ የሞከሩ ወገኖች በድምፅ ፣ በምስልና በፅሁፍ የሚያቀርቧቸው አስረጂዎች ለንፁህ ህሊና ባለቤት ለሆነ ሁሉ የሮማው ስፖርትና ባህል ፌስቲቫል ወያኔ በሃገር ውስጥ ያጣውን ሃይሉን የሚያድስበት በባዕድ ሃገር አየኖሩ የዚህ ዝግጅት ደጋፊና አድማቂ የሚሆኑ  ኢትዩጵያዊያን በበኩላቸው ይህ ተግባራቸው  በእስር በሚገላቱ ወገኖቻቸው ላይ የሚውል  የግርፍያና የማሰቃያ ግብዕት ማቅረብ ያህል እንደሚገመት ፣  እንዲሁም በጠራራ ፀሃይ ለሚጨፈጨፉ ግፉሃን ዜጎች የጥይት  መግዣ ድጋፍ መለገስ  መሆኑና በጥቅሉ በፈርጀ ብዙ የወያኔ ወንጀል ላይ ተባባሪ ለመሆን እንደሚያበቃ ፍንትው አድርጎ ያሳያል ።

የኢስባፌ በረቀቀ መንገድ በወያኔ ቁጥጥር ስር እንዲውል ያደረጉት የወያኔ በዲያስፖራ ተጋዳላዬች ( የኤምባሲው ሹሞች   ፣ ትግራይ ልማት ማህበር ፣ የአባይ ቦንድ አስተባባሪ ፣  አንድነት በቀለ ፣ ዬናስ ሃጎስ ፣ ሃብታሙ ሞቱማ ….ወዘተ ) ከላይ ከተዘረዘሩት በተጨማሪ እውነታውን የሚያጠናክሩ የቅጥረኞቹ ተግባራት የሚከተሉት ናቸው ፦

1ኛ. የፌዴሬሽኑና የስራአስፈፃሚ / ስራ አስኪያጅ ተግባራትና ኃላፊነት በመቀማት  ጠቅላላ ሂደቱን በመምራት ላይ ያለው አንድነት በቀለ ወደዚህ ስልጣን ለመውጣት በዴንሃግ Den Haag ደርሷል የተባለውን ከ60,000 እስከ 70,000 ሺ ኢሮ የተገመተ የሚሸፍን 200,000 ኢሮ ድጋፍ አግኝቻለው በሚል አንድ ሰበብ የፌዴሬሽኑን አመራሮች አማሎ ሲሆን ፣ የተጠቀሰው ገንዘብ የማን ልገሳ እንደሆነና ለምንስ ምክንያት እንደተለገሰ የግል ሚስጥሩ በማድረግ እስካአሁንም ማንም የማያውቀው ሚስጥር መሆኑ ፣ በርግጥ ልገሳው ካለ በፌዴሬሽኑ የሂሳብ ቋት bank account እንዲያስገባ ሲጠየቅ በድፍረት እራሱ እንጂ ስለገንዘቡ ማንም እንደማያገባው መግለፁ ፣ እስካአሁንም የሮም ዝግጅትን በሚመለከት በፌዴሬሽኑ የሂሳብ ቋት የገባ ቤሳቤስቲ ያለመኖሩ ፣ ግለሰቡ ለዝግጅቱ እያወጣው ነው የሚለው ገንዘብ በፌዴሬሽኑ ሂሳብ አያያዝ የማይታወቅ መሆኑ እንዚህ ሂደቶች እንቅስቃሴውን ከጀርባ የሚመራ አካል ስለመኖሩ አመላካች ሆነው መገኘታቸው ።

2ኛ. ግለሰቡና ግብርአበሮቹ የኤምባሲው ቅርብ ሰዎች መሆናቸውና ሃገር ቤት የሚኖር መሆኑ ፣ በተለያዩ የኤምባሲው ዝግጅቶች ግንባር ቀደም አጋፋሪዎች መሆናቸው ( በአባይ ቦንድ ሽያጭ ፣ በወያኔ ባንድራ ቀን ፣ በትግራይ ልማት ….ወዘተ ) ንቁ ተሳታፊዎችና አዘጋጆች መሆናቸው ለወያኔ ያላቸውን ታማኝነትና ወያኔ በውጭ ፖሊሲውና በስትራቴጅ ሰነዱ ዲያስፖራውንና በውጭ ያሉ ኢትዩጵያ ተቋማትና መቆጣጠር ብሎ ለተነሳበት ዓላማው አስፈፃሚዎች መሆናቸው በግልፅ መታየቱ ።

3ኛ. ቀደም ሲል የተጠቀሱ የአዘጋጁ የፅሁፍ ሰነዶች ፣ የዝግጅቱ ባለቤቶችና ተባባሪዎች ተርታ ኤምባሲው ፣ የትግራይ ልማት ማህበር ፣ የወያኔ የንግድ ተቋም ተገልፀው ለህብረተሰቡ በድፍረት መበተናቸው ።

4ኛ. በእነ አንድነት መሪ ተዋናይነት በአ.አ ሂልተን ሆቴል የተሰጠ ጋዜጣዊ መግለጫ በአዲስ አበባ አካባቢ ፀጥታ ክፍል ኃላፊ ልዩ ትዕዛዝ የተዘገጀ መሆኑ በፌዴሬሽን ዙሪያ ባሉ ግለሰቦች ጭምር መታወቁ ።

እነዚህና በዚህ ፅሁፍ ያልተገለፁ ነገር ግን በበቂ ማስረጃ የተረጋገጡ ኩነቶች የሮም ኢትዩጵያዊያን ስፖርትና ባህል ፌስትቫልን ጨምሮ አጠቃላይ የፌዴሬሽን የህዝብ ንብረትነት ወያኔ እጅ ውስጥ መግባቱን  ፣  አንድነት በቀለም በአውሮፖ የወያኔ ልዩ ቅጥረኛ ኃይል ሆኖ ሂደቱን እየመራ መሆኑን ያረጋግጣሉ ።

ከዚህ በኃላ የንፁሃን ዜጎች ሚና ምን መሆን አለበት ?

ዋናውና መሰረታዊ ጉዳይ የኢትዩጵያዊያን ስፖርትና ባህል ፌዴሬሽንን  ለበርካታ ኢትዩጵያዊያን ስደት ፣ ግድያና ጭፍጨፋ ፣ እስርና እንግልት እንዲሁም ለሃገር ክህደትና ውድመት መተኪያ የሌለው የጋራ ጠላታችን ከሆነው ወያኔና ጀሌዎች ለአንዴና ለመጨረሻ ጊዜ ነፃ ማውጣት ነው ።
ይህን ተግባር ሙሉ ለሙሉ ለመከወን ያግዘን ዘንድ በአሁኑ ሰዓት በጋራ በመቆም ስለችግሩ ግንዛቤ መያዝ በራሱ በቂ ነው ።

በዚህ ስዓት  ስለፌዴሬሽኑና ስለ ሥራአስኪያጁ ድክመትና ቀጣይ ሁኔታ መቆዘምና ማሰብ ይቻል እንደሆን እንጂ የቤታችንን በር ሰብሮ የገባውን ወንበዴ ይዘን ሳንቀጣ ፣ ከዚህ ወዲያም ወደ ቅጥራችን ዝር እንዳይል አይቀጡ ቅጣት ሳንቀጣው  ወደ ቀላሉና ወደፊት መላ ወደምንፈጥርለት የውስጥ ገበናችን መንጠራራት አያስፈልግም ፣ ከዝግጅቱ በኃላ እንደርስበታለን ።

ስለሆነም ከቅድሚያ ቀዳሚ ቅድሚያ መስጠት የሚገባን

1ኛ . 15ኛው የሮም ዝግጅት የህዝብ አሸናፊነት ለማብሰር እንዲሁም ፌዴሬሽኑ በቀጣይ ታፍሮ ፣ ተከብሮና ህልውናው ተጠብቆ በህዝብ ንብረትነት እንዲቆም በዝግጅቱ / በስፖርትና ባህል ፌስቲቫል ላይ ባለመገኘት ሂደቱ በኪሳራ እንዲጠናቀቅ ሙሉ ተዕቅቦ /full boycott/  ማድረግ ፤

ሙሉ ለሙሉ ዝግጅቱ ላይ አለመገኘት !!

2ኛ. ለማን ትተን እንቀራለን የሚሉ ነገር ግን ብዙም የወያኔ እኩይ ተግባር ውስጣቸው የገባ የማይመስሉ የዋህ ወገኖቻችን በቦታው ላይ ተገኝተን እንቃወማለን በማለት ( ቀድመን ወስነናል …..ወዘተ ምክንያት የሚመዙ ) ፣ የሃገር ጠላትን ለማውገዝ ፣ ከወንድም እህቶቼ ገዳይ ጋር ማድ አልቋደስም ለማለት የየግል ፍላጎት ወሳኝ ነውና የመሄድ መብታቸውን መጋፋት ባይቻልም በቦታው የግብይት ፣ የትዕይነት ሂደቶች ላይ የተሳትፎ ማዕቀብ ማደረግ ፣ ሸራፊ ሳንቲም ወያኔ እጅ እንዳይገባ ማድረግ ፣ በስፍራው ላይ የተቃውሞ ትዕይንት በማሳየት አቋማቸውን መግለፅ ይጠበቅባቸዋል ።

ከፊል ማዕቀብ ማድረግ !!

3ኛ. የወያኔን የጠለፋ መርብ በመበጣጠስ ህዝባዊነት ያለው ስብስብ ተፈጥሮ ፌዴሬሽኑ እንዲጠናከር ፌዴሬሽነን ፣ ቦርድ አባላትንና ስራአስኪያጁኑ ያካተተ የምክክር መድረክ በቀጣይ ጊዜያት እንዲጀመራ ከወዲሁ ዝግጅት ማድረግ ።

ከላይ የተጠቀሱትን ተግባራት በትጋት በማከናወን የ ESFN ህዝባዊ ድል በአውሮፖ መድገመ ይቻላል ፣ የህዝብ አሸናፊነት አያጠራጥርምና ወያኔና ጀሌዎቹን ለማሳፈር እያንዳንዱ ዜጋ የሞራል ግዴታ እንዳለበት ተረድቶ የየድርሻውን ከተወጣ ባህር ማዶ እየተሻገረ ያለውን የህወሓት ሃገርና ህዝብ በተኛ አጀንዳ በቀላሉ ማምከን እንችላለን ።

በባዕድ ሃገር የምንኖር ሁሉ ኢትዩጵያዊ ተቋማትን ከወያኔ ቀጥታም ሆነ የእጅ አዙር ቁጥጥር ነፃ እናውጣ ! ! !