ጋዜጣዊ መግለጫ ከልሳነ ግፉዓንና ጠለምት የዓማራ ማንነት ጊዜያዊ ድጋፍ ኮሚቴ

0

ዘረኛውና አምባገነኑ የወያኔ ገዥ ቡድን አገራችን ኢትዮጵያንና ሕዝቧን እጅግ ኋላ ቀር በሆነ የከፋፍለህ ግዛ ዘይቤ ለ26 ዓመት ያደረሰውንና ዛሬም እያደረሰው ያለው ኢሰብአዊና አምባገነናዊ ተግባር ለኛ ለኢትዮጵያውያኖች አይደለም ለመላው የዓለም ሕዝብ ገሃድ መሆኑ ግልፅ ነው። ገና ከማለዳው ይህ ዘረኛ፥ ጠባብ፥ ፀረ ኢትዮጵያና ፀረ የኢትዮጵያ ሕዝብ የሆነው ቡድን በአንድና አንድ በሆነ አጀንዳ ብቻ ታውሮ ትግራይን ከቀረው የኢትዮጵያ ሕዝብ ነጥሎ እንደ ሃገር ለማቆም ከያዘው ቅዠት የተነሳ አጎራባች ከሆኑ ክፍለ ሃገራት በግድና በሃይል ለም የሆኑ መሬቶችን ወደ ትግራይ ማስገባት ቀደም ሲል የፈፀመው ተግባር ብቻ ሳይሆን ዛሬም በስፋት እየጣረበት ይገኛል።

ወያኔ በኢትዮጵያ ሕዝብ ላይ እየፈፀመው ያለው አስቃቂ ድርጊት ሁሉንም የኢትዮጵያ ሕዝብ እያደረሰ ያለ መሆኑን ግልፅ ቢሆንም በተለይ ደግሞ በሃይል ያለ ሕዝቡ ፈቃድ ማንነታቸውን ረግጦ ያልሆኑትን ናቸው በማለት በግዳጅ ወደ ትግራይ በአስገባቸው የወልቃይት፥ ጠገዴና ጠለምት ሕዝብ ላይ ለረዥም ዓመታት ስልጣን በኃይል ከመንጠቁ በፊት ጀምሮ እያደረሰ ያለው በሰው ልጆች ዘንድ ይፈፀማል ተብሎ የማይጠበቅ ግፍ በቃላት ለመግለፅ ያዳግታል።

በሃያ ስድስት የግፍና የመከራ ዓመታት ውስጥ ይህ ዘረኛ ቡድን የኢትዮጵያን ሕዝብ በቋንቋ ከልሎ በዘርና በጎጥ ሕዝቡ እርስ በራሱ እንዲጋጭ፥ የረዥም ዘመን ታሪክ ባለቤት የሆነችዉን አገራችንን ባህር በር አልባ እንድትሆን አድርጎ ኢትዮጵያን ደካማና በማንም የውጭ ሃይል የምትደፈርና የምትጠቃ ደካማ አገር ለማድረግ ረዥም መንገድ ተጉዟል። የኢትዮጵያ ሕዝብ በትምህርት፥ በጤና እና በመሠረታዊ ልማቶች ደካማ አድርጎ ታላቋን ትግራይ ግን በሁሉም የዕድገት መለክያ ከሌሎች የተሻለችና የጠነከረች ለማድረግ ያለመታከት እየሠራ ይገኛል።

ታላቋን ትግራይ የመመሥረት ቅዠት ምክንያት ከስድስት ምዕተ ዓመታት በላይ በጎንደር ክ/ሃገር ሥር የነበሩትን ወልቃይት፥ ጠገዴና ጠለምትን ወደ ትግራይ ክ/ሃገር አስገባ። እነዚህ ወረዳዎች ከትግራይ ክ/ሃገር አዋሳኝ በመሆናቸውና የትግርኛ ቋንቋም ለመግባቢያ ያክል በመናገራቸው ምክንያት ብቻ ባህላቸው፥ ዋናው የትውልድ ቋንቋቸው እና ከሁሉም በላይ ሳይታይና ሳይጠየቁ ያለባህላቸውና ያለፍላጎታቸው ትግሬ ናችሁ ተባሉ። ይሁን እንጂ ጀግናው የወልቃይት፥ ጠገዴና የጠለምት ሕዝብ አንድም ጊዜ ሳያርፍ ማንነቱንና ምንነቱን ለማስከበር ያልታገለበት ጊዜ የለም።

እራሱ ወያኔ ባወጣው ሕገ መንግሥት ተጠቅመው የአማራ ማንነታቸውንና የሚደርስባቸውን ኢሰብዓዊ ተግባራት ለመቃወም ህጋዊ በሆነ መንገድ ተደራጅተው በመንቀሳቀሳቸውና ይህም የአማራ ማንነት ጥያቄ ጀግናው የጎንደር ክ/ሃገር ሕዝብና በመላው የኢትዮጵያ ሕዝብ ከፍተኛ ድጋፍ ማግኘቱን የተገነዘበው ዘረኛ የወያኔ ቡድን በሁሉም ዘርፉ የሽብር ስራውን አጠናክሮ ከመቀጠሉም በላይ የዚህ ሰላማዊ የማንነት ጥያቄ መሪዎችን በሀሰት በመወንጀል ከሶ ዛሬ በእሥር ቤት እያሰቃያቸው ይገኛል።

ወያኔ የወልቃይት፥ ጠገዴና ጠለምት ለም ወረዳዎችን ወደት ትግራይ ማስገባት ብቻ ሳይሆን ሴት እህቶቻችንን አስገድዶ በመድፈርና ዘርን ለማጥፋት የሚፈፅመው ተግባር የተቃወሙትን ሁሉ በእሥር በማሰቃየት ቀሪዎቹም ተወልደው ያደጉበትን ቀዬአቸውን ጥለው እንዲስደዱ ምክንያት ሲሆን በርካታዎቹም ፊት ለፊት ይህንን አስከፊ ዘረኛ ሥርዓት በመጋፈጥ ለ37 ዓመታት ያህል እየታገሉ ይገኛሉ።

እኛም በመላው ዓለም ዙርያ የምንገኝ የዚህ አከባቢ ተወላጆች ምንም እንኳ ወያኔ በኢትዮጵያና በኢትዮጵያውያን እየፈፀመ ያለውን ሃገርን የመበታተን፥ ሕዝብን የመከፋፈል፥ ሃይማኖትን የማጥፋት፥ ታሪካዊ ቦታዎችን እንዳልነበሩ በማድረግ፥ የታሪክ መዛግብትን ማዛባትና ማበላሸት፥ የሃገር ቅርስን ለባዕድ አሳልፎ መስጠትንና ባህልን ማንቋሸሽ የመሳሰሉትን እኩይ ተግባራት ማየትን እንደማነኛውም ኢትዮጵያዊ ዜጋ የሚያንገበግበን ጉዳይ በመሆኑ ለፍትህ፥ ለእኩልነትና ለዴሞክራሲ ከሚታገሉ እንደ ጎንደር ሕብረት፥ የአንድነት ሃይሎችና በኢትዮጵያዊነታቸው ከሚያምኑ የብሔር ድርጅቶችና ከመላው ሕዝባችን ጋር አብረን የምንታገለው መሆኑን በዚህ አጋጣሚ መግለፅ እንወዳለን።

ከላይ የጠቀስናቸው አከባቢዎች ማንነታቸውን ያጡበት፥ ህልውናቸው ለአደጋ የተጋለጠበት፥ አማራ ምንነታቸውን ውድቅ ተደርጎ ትግራያዊ እንዲሆኑና፥ የታላቋ ትግራይ አካል እንጂ ኢትዮጵያዊ የጎንደር አማራ አለመሆናቸውን በግዴታ እንዲጋቱ ቢደረጉም እምቢኝ አሻፈረኝ ማንነቴ የጎንደር አማራ ኢትዮጵያዊ ነኝ በማለት ወያኔን አይቀጡ ቅጣት ለመቅጣት እየተፋለሙ ይገኛሉ።

እኛም በመላው ዓለም የምንገኝ የወልቃይት ጠገዴና ጠለምት ተወላጆች ሕዝባችን ከዘረኛው ወያኔ ጋር እያደረገው ያለው የማንነትና የህልውና ትግል በተናጠል ስናደርገው የነበረውን እንቅስቃሴ ሃይላችንን የሚከፋፍል፥ የትግል ጊዜውን የሚያራዝም መሆኑን በመገንዘብ አንድነታችንን በማጠናከር ሕዝባዝችን እያደረገው ያለውን ሁለገብ ትግል ማንነታችንና ህልውናችን እስኪረጋገጥ ድረስ አቅማችን በፈቀደውና በተቻለው ሁሉ ለመርዳት ይቻል ዘንድ ይኽውና የወልቃይት ጠገዴ (ልሳነ ግፉአን) እና ጠለምት የዓማራ ምንነት ጥያቄ ጥምረት ፈጥረን በጋራ ለመታገል የድጋፍ ኮሚቴ በማቋቋምና ጊዜአዊ አመራር በመምረጥ ያልተቆጠበ ድጋፋችንን ለመስጠትና የትግሉ አጋር ለመሆን ቆርጠን ተነስተናል። ባጭር ጊዜ ውስጥም ውህደት ለመፍጠር በሂደት ላይ መሆናችንን ልናረጋግጥላችሁ እንወዳለን።

በትግላችን ማንነታችንንና ህልውናችንን እናስከብራለን!

ኢትዮጵያ ለዘላለም በክብር ትኑር!!

 የወልቃይት ጠገዴ ልሳነ ጉፍዓንና የጠለምት የአማራ ማንነት ጥምረት ጊዜአዊ ኮሚቴ

 ስለሺ ንጉሤ

ነሐሴ 2 ቀን 2009 ዓ/ም